Корҳои ташвиқотӣ ва тарғиботӣ дар шаҳри Гулистон

                                                                

Бо мақсади татбиқи нақшаи чорабиниҳо вобаста ба шарҳ додани муҳтавои Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ ва ташвиқу тарғиби эълон гардидани соли 2025 - «Соли байналмилалии ҳифзи пиряхҳо» дар шаҳри Гулистон аз ҷониби мутахассисони бахши ҳифзи муҳити зист дар Муассисаи давлатии таълимии «Литсейи тиббӣ» вохӯрӣ ташкил ва баргузор гардид.

Дар рафти вохӯрӣ ба 45 нафар хонандагони литсейи мазкур доир ба нуктаҳои асосии Паём навбатӣ, истифодаи самараноки захираҳои табиӣ, тағйирёбии иқлим, муҳимияти эълон гардидани соли 2025 - «Соли байналмилалии ҳифзи пиряхҳо», 21 март ҳамчун «Рӯзи ҷаҳонии пиряхҳо», баланд бардоштани маърифати экологии аҳолӣ ва саҳми донишҷуён дар ин маврид баромадҳо шунида шуд.