2 феврал – Рӯзи байналмилалии мавзеъҳои обию ботлоқӣ

                                                                

Санаи 2 феврали соли 2023 бо ташаббуси Маркази миллии амалҳо оид ба муҳити зист дар Донишгоҳи миллии Тоҷикистон факултаи биология бахшида ба “Рӯзи байналмилалии мавзеъҳои обию ботлоқзор” семинари илмӣ-амалӣ доир карда шуд. Дар семинар 30 нафар устодону донишҷӯёни факултаи номбурда иштирок намуда, доир ба моҳияти ҳифзу нигоҳдории мавзеъҳои обию ботлоқзор ва ҳадафҳои Конвенсияи Рамсар оид ба мавзеъҳои обию ботлоқӣ шиносоӣ пайдо намуданд.

Дотсенти кафедраи ботаника Сатторов Р.Б. бо рунамо баромад намуда, доир ба мавзеъҳои обию ботлоқзори Тоҷикистон, олами набототу ҳайвоноти ботлоқзорҳо ва моҳияти ин мавзеҳо барои ҳифзу нигоҳдории гуногунии биологӣ ва некӯаҳолии ҷомеаҳо дар шароити тағйирёбии иқлим маърӯза ва муҳокимаронӣ намуданд. Дар семинар донишҷӯён низ фаъолона иштирок намуда, саволу ҷавоб ва ақидориниҳо намуданд.