Идомаи корҳои биотехникӣ дар шаҳри Панҷакент

                                                                

Аз ҷониби зерсохтори сарраёсат дар шаҳри Панҷакент амалиёти «Ҳифзи ҳайвоноту парандагони ваҳшӣ» ташкил ва гузаронида шуд. Дар натиҷаи баргузории амалиёти мазкур олами ҳайвоноту парандагони ваҳшии дар минтақаҳои баландкӯҳи ҷамоати деҳоти Моғиён ва Фароб сукунат дошта, бо хӯроки иловагӣ, аз он ҷумла 200  кг гандуми майда, 200 кг ҷав, 200 кг биринҷи майда, 200 кг сабӯс ва 50 адад бастаи хошоки дурушт таъмин гардиданд.

Мувофиқи маълумоти мутахассисону коршиносон талафоти ҳайвоноту парандагони ваҳшӣ дар ҳолати сард омадани обу ҳавои фасли зимистони соли равон ба қайд гирифта нашудаст.