Маъракаи ниҳолшинонӣ дар шаҳри Турсунзода

Бо мақсади дар сатҳи баланд гузаронидани корҳои ниҳолшинонӣ, кабудизоркунӣ ва солимгардонии муҳити зист, дар асоси нақшаи кории мақомоти ҳифзи муҳити зисти маҳал, иҷрои нақшаи чорабиниҳои тасдиқнамудаи Мақомоти иҷроияи ҳокимияти давлатии шаҳри Турсунзода ва бо ташаббуси шуъбаи ҳифзи муҳити зист дар шаҳри Турсунзода дар назди бинои маъмурии мақомоти иҷроияи ҳокимияти давлатии шаҳри мазкур маъракаи кабудизоркунӣ рӯи даст гирифта шуд.

Чорабинӣ бо иштироки беш аз 50 нафар касбу кори гуногун ҷараён гирифта, 100 бех ниҳоли дарахтони палвония навъи ҳолландӣ шинонида шуд. Дар рафти маъракаи ниҳолшинонӣ намояндагони мақомоти иҷроияи ҳокимияти давлатӣ ва кормандони   шуъбаи ҳифзи муҳити зист дар шаҳри Турсунзода иштирок доштанд.