Корҳои биотехникӣ дар шаҳри Панҷакент ва ноҳияи Айнӣ                                                                

Дар асоси барқияи Сарраёсати ҳифзи муҳити зист дар вилояти Суғд бо иқдоми шуъбаву бахши ҳифзи муҳити зист дар шаҳри Панҷакент ва ноҳияи Айнӣ бо мақсади беталаф баровардани олами ҳайвоноти ваҳшӣ аз фасли зимистон дар якҷоягӣ бо кормандони Муассисаи давлатии хоҷагии ҷангали шаҳр ва иштироки намояндагони васоити ахбори омма дар парваришгоҳи Зарафшон, мавзеъҳои Тегирмон, Раҷабалӣ ва Нилуфари ш. Панҷакент ва мавзеи Дашти Искодари ноҳияи Айнӣ корҳои биотехникӣ гузаронида шуд. Дар ин мавзеъ ба миқдори умумии гандум - 200 кг, ҷав - 150 кг, бастаи шолӣ – 43 адад, намак – 100 кг, ҷуворимакка – 100 кг пошида шуд. Гузаронидани корҳои биотехникӣ дар ҳолати сард омадани ҳаво дар дигар мавзеъҳои баландкӯҳи Панҷакент ва ноҳияи Айнӣ дар назар аст.  

Тибқи маълумот дар ин мавзеъҳо ҳайвонотҳо ба монанди хуки ёбоӣ, харгӯш, гург, хирс, бабри барфӣ, кабк ва дигар намуди парандаҳои ваҳшӣ сукунат доранд.