Пешгирии ифлосшавии кӯли Сарез дар ҳавзаи дарёи Мурғоб                                            

Шуъбаи ҳифзи муҳити зисти ноҳияи Мурғоб баҳри иҷрои супориши раиси Кумита бо мақсади пешгирии ифлосшавии кӯли Сарез дар ҳавзаи дарёи Мурғоб, воқеъ дар мавзеи Модиён, дар буриши дарё симтур ба дарозии 40 метр ва паҳноии 75 см насб намудааст.

Ин иқдом бо мусоид омадани вазъи боду ҳаво ва кушода шудани роҳҳои автомобилгард дар дарёчаи мавзеи Бозордараи ноҳияи Мурғоб низ дар назар дошта шудааст. Дар давраи сармо дар ин мавзеъ давраи яхбандӣ буда, охирҳои моҳи майи соли 2023 анҷоми ин кор имконпазир аст.

Бо назардошти он, ки минтақаи кӯли Сарез мавзеи ҷалби сайёҳони хориҷӣ маҳсуб меёбад, ташаббуси мазкур аз ҷониби Кумитаи ҳифзи муҳити зист бо мақсади беҳтар намудани вазъи экологӣ ва ҳифзи объектҳои экологӣ пешбинӣ гардидааст.