Ниҳолшинонӣ дар Боғи Ғалабаи пойтахт                        

Бо дастури роҳбарияти Кумитаи ҳифзи муҳити зисти назди Ҳукумати Ҷумҳурии Тоҷикистон дар асоси нақшаи тасдиқнамудаи мақомоти иҷроияи ҳокимияти давлатии шаҳри Душанбе аз ҷониби Сарраёсати ҳифзи муҳити зист дар шаҳри Душанбе дар талу теппаҳои МД “Боғи Ғалаба ва нигоҳдории хоҷагии ҷангал” зиёда аз 600 бех ниҳоли санавбар бо риояи талаботҳои агротехникӣ шинонида шуд.

Баҳри беҳтар намудани ҳолати талу теппаҳои ҳудуди Муассисаи давлатии “Боғи Ғалаба ва нигоҳдории ҷангал” тибқи нақша шинонидани 58163 бех дарахтони санавбар, можжевелник, туя, шулаш ва олӯи даштӣ (ёбоӣ) дар мавсими кабудизоркунии тирамоҳи соли 2022 ва баҳори соли 2023 амалӣ мегардад.

Бояд қайд намуд, ки роҳбарияти Кумитаи ҳифзи муҳити зисти назди Ҳукумати Ҷумҳурии Тоҷикистон ҷиҳати сарсабзу шукуфон ва ба “шаҳри сабз” мубаддал гардонидани пойтахти Ҷумҳурии Тоҷикистон-шаҳри Душанбе ҳиссагузорӣ намуда истодааст.

Ёдовар мешавем, ки аз ҷониби Кумитаи ҳифзи муҳити зисти назди Ҳукумати Ҷумҳурии Тоҷикистон дар талу теппаҳои МД “Боғи Ғалаба ва нигоҳдории хоҷагии ҷангал” ба миқдори 4715 бех ниҳолҳои ороишӣ шинонида хоҳад шуд.