Бартараф намудани партовҳои бесоҳиб дар шаҳри Конибодом                      

Бо мақсади беҳтар намудани ҳолати экологии минтақа ва бартараф кардани нуқтаҳои партовҳои бесоҳиб дар шаҳри Конибодом, 14 декабри соли ҷорӣ аксияи «Тозагии маҳал» доир гардид.

Дар рафти чорабинӣ намояндагони муассисаҳои таълимии соҳаи маориф ва литсейҳои касбии шаҳр, дар маҷмӯъ беш аз 4 ҳазор нафар иштирок карда, як қатор корҳои ободонӣ ба сомон расонида шуд. Дар натиҷа, аз партовҳо тоза карда шуданд 9,8 километр ҷӯйбору қадди роҳ, 300 метр минтақаи аҳолинишин аз алафҳои бегона ва 4 тонна партов ба партовгоҳ интиқол дода шудааст.

Барои баргузории аксияи «Тозагии маҳал» аз тарафи бахши ҳифзи муҳити зист дар шаҳри Конибодом барои иштирокдорон 1200 адад халтаи калони полиэтиленӣ бо мақсади ҷамъоварии партовҳо ва 140 адад дастпӯшак дастрас гардид.

Қайд кардан ба маврид мебошад, ки аз ҷониби ҷавонон 1173 халта партовҳо, аз он ҷумла зарфҳои пластикӣ, қоғазпора халтаҳои полиэтиленӣ ва ғайра ҷамъоварӣ карда шуд.