Баргузории аксияҳои экологӣ дар ноҳияи Рӯдакӣ                       

Шӯъбаи ҳифзи муҳити зисти ноҳияи Рӯдакӣ тибқи нақша чорабиниҳои тасдиқгардида барои нимсолаи дуюми соли ҷорӣ бо мақсади сазовор пешвоз ва хотирамон ҷашн гирифтани ҷашнвораҳои давлатӣ, милли ва касбӣ дар ду ҷамоати деҳоти ноҳияи Рӯдакӣ аксияҳои «Тозагии маҳал» ва «Тозагии соҳил» бо иштироки 30 нафар сокинони деҳаи Мавҷ ва Турдиев гузаронида шуд. Дар рафти аксияҳо деҳаҳои номбурда аз партовҳои сахти маишӣ тоза карда шуда, 2 метри мукааб партовҳо ба партовгоҳи расмӣ бароварда шуд.

Чорабинии мазкур дар ҷамоати деҳоти Чоряккорон бо фарогирии 24 нафар ба роҳ монда шуда, дар рафти ҷараёни он 200 метр роҳҳои деҳаи Чоряккорон аз партовҳои маишӣ ба миқдори 3 метри мукааб тоза карда шуд.