Вохурӣ доир ба таҳияи Ҳисоботи чоруми фаъолияти экологӣ                   

22 ноябри соли 2022 вохӯрии намояндагони Кумитаи ҳифзи муҳити зисти назди Ҳукумати Ҷумҳурии Тоҷикистон ва Комиссияи иқтисодии СММ барои Аврупо доир ба натиҷагирии Ҳисоботи сеюми фаъолияти экологӣ ва омодагӣ барои таҳияи Ҳисоботи чорум баргузор гашт.

Намояндаи Комиссияи иқтисодии СММ барои Аврупо Антонио Нунеш қайд намуд, ки Тоҷикистон дар қитъаи Осиё аввалин кишварест, ки ба таҳияи Ҳисоботи чоруми фаъолияти экологӣ шуруъ намудааст.

Сардори Раёсати монитроинг, сиёсати экологӣ, обуҳавошиносӣ ва кадастр Шукуров Исфандиёр иброз дошт, ки Ҷумҳурии Тоҷикистон ҷиҳати натиҷагирии дақиқ харитаи роҳро барои иҷрои тавсияҳои Ҳисоботи сеюм таҳия ва ба Комиссияи иқтисодии СММ барои Аврупо пешниҳод намуд, ки он дар Конфронси нӯҳуми вазирони муҳити зист барои Аврупо (Никосия, Кипр, 2022) баррасӣ гашт.

Инчунин, зимни вохурӣ сардори Шуъбаи робитаҳои байналмилалӣ ва кор бо конвенсияҳои экологӣ Дустзода Диловаршо ва директори Филиали Тоҷикистонии Маркази экологии Осиёи Марказӣ Муминзода Зебо доир ба масъалаҳои баррасишаванда баромад намуданд.