Таҷлили Иди Парчам дар Кумита               

24 ноябри соли ҷорӣ дар Кумитаи ҳифзи муҳити зисти назди Ҳукумати Ҷумҳурии Тоҷикистон бахшида ба ҷашнвораи 30-юмин солгарди Рӯзи қабули Парчами давлатии Ҷумҳурии Тоҷикистон чорабинии тантанавӣ баргузор гардид, ки дар он раиси Кумитаи мазкур Шерализода Баҳодур Аҳмадҷон  кормандони соҳавиро бо ин санаи фархунда табрику  таҳният намуд.  Зимни суханҳои табрикотӣ иброз дошта шуд, ки Парчам нишонаи сарҷамъӣ, иттиҳод, якдилӣ ва ифтихори миллат аст. Бо таманно изҳор дошта шуд, ки таҳти роҳнамоию ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва муттаҳидию ягонагии мардуми шариф тоҷик кишвари мо зери парчами давлатӣ ба дастовардҳои бузург   ноил гардид.

Дар чорабинӣ аз ҷониби масъули ташкилоти ибтидоии ҳизбии “Ҳифзи муҳити   зист”-и Ҳизби Халқии Демократии Тоҷикистон дар ноҳияи Синои шаҳри Душанбе Саидов С. оид ба таърихи қабул ва моҳияти Парчами давлатӣ, нақши парчами тоҷикон дар масири  тавърих бо маърӯзаи пурмуҳтаво баромад карда шуд.

Ҳамзамон, алоҳида кормандони Кумита бо суханони табрикотӣ баромад намуда, аз ҷумла Парчами давлатиро ҳамчун рамзи давлати мустақили Тоҷикистон, нишонаи соҳибихтиёрӣ, ягонагӣ ва ифтихори мардуми кишвар арзёбӣ намуданд.

Баргузории чунин чорабиниҳо барои баланд бардоштани сатҳи огоҳоии ҷавонон ва арҷгузорӣ ба муқаддасоти миллии кишварамон мусоидат менамояд.