Дар ҷаласаи навбатии ҳарҳафтаинаи Кумита                   

22 ноябри соли 2022 таҳти раёсати раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон ҷаласаи назоратии Кумита оид ба натиҷаҳои фаъолияти ҳафтаи аз 14 то 18 ноябри соли ҷории сохторҳои Кумита ва зерсохторҳои он баргузор гашт.

Тибқи тартиби муқарраргардидаи кори ҷаласа сардори Раёсати мониторинг, сиёсати экологӣ, обуҳавошиносӣ ва кадастри Кумита Шукуров И. бо маърӯзаи ҳисоботии таҳлилӣ баромад намуда, натиҷаҳои фаъолияти ҳафтаинаи  мақомоти соҳавиро пешниҳод намуд.

Сипас, вобаста ба масъалаҳои маърӯзаи ҳисоботӣ раиси Кумита Шерализода Б. А. масъалаҳои ҷории фаъолияти сохторҳоро дар ҳафтаи ҳисоботӣ аз масъулон пурсон шуда, дар ин баробар барои фаъолияти ҳафтаи ҷорӣ ба масъулон супоришҳои мушаххас дод.

Ҳамзамон, ҳисоботи сардори Раёсати кадрҳо, коргузорӣ ва назорат Салимзода Ш. оид ба иҷрои мактубҳои назоратӣ ва дигар ҳуҷҷатҳои соҳавӣ шунида шуд.

Дар охир, вобаста ба баррасии масъалаҳои ҷорӣ, таклифу пешниҳодҳо ва супоришҳои додашуда қарори дахлдор қабул карда шуд, ки барои корбарӣ ба масъулони дахлдори соҳавӣ фиристода мешавад.