Сухани табрикотии раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон  бахшида ба 30-солагии Рӯзи қабули Парчами давлатии ҶумҳурииТоҷикистон                 

Ба муносибати 30-солагии Рӯзи қабули Парчами давлатии ҶумҳурииТоҷикистон тамоми кормандони Кумита ва мақомоти зертобеи онро табрику таҳният менамоям.

Тоҷикистони азиз баъд аз соҳибистиқлол гардидан, рамзҳои давлатӣ, аз ҷумла нишон ва парчами худро қабул намуд. Дар Иҷлосияи тақдирсози XVI Шӯрои Олии Ҷумҳурии Тоҷикистон, ки барои миллати тоҷик қисматсоз буд, баъд аз барқарор шудани ҳокимияти конститутсионӣ, барои таҳияи лоиҳаи Парчами давлатӣ комиссияи махсус таъсис дода шуд.

Ҳамин тавр, қабули Парчами давлатӣ ҳамчун рамзи давлати мустақили Тоҷикистон, нишонаи соҳибихтиёрӣ, ягонагӣ ва ифтихори мардуми кишвар иқдоми муҳими Иҷлосияи таърихӣ буд. Бинобар ин, Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон муҳтарам Эмомалӣ Раҳмон 24 ноябрро ҳамчун ҷашни умумимиллии Рӯзи қабули Парчами давлатӣ эълон кардаанд, ки ҳар сол аз ҷониби мардуми Тоҷикистон бо ифтихори бузург таҷлил мегардад.

Таманнои онро дорам, ки парчами кишвари мо дар ҷаҳон ҳамеша парафшон бошаду мардуми шарафманди тоҷикон зери дирафши нангу номуси ватандорӣ ҳамавақт сарбаланд бошанд.

Рӯзи Парчами давлатии Ҷумҳурии Тоҷикистон муборак, ҳамкорони азиз.