Баргузории чорбинии канорӣ «Нақшаи миллии мутобиқсозӣ ва муоширати миллӣ ҳамчун роҳи пешрафт барои ҳамгироии мутобиқсозии тағйирёбии иқлим ба нақшаҳо, барномаҳо ва стратегияҳои миллӣ» дар Павилиони миллӣ              

17 ноябри соли ҷорӣ Кумитаи ҳифзи муҳити зисти назди Ҳукумати Ҷумҳурии Тоҷикистон дар ҳамкорӣ бо Барномаи Рушди Созмони Милали Муттаҳид дар Ҷумҳурии Тоҷикистон (БРСММ) чорабинии канориро дар мавзуи «Нақшаи миллии мутобиқсозӣ ва муоширати миллӣ ҳамчун роҳи пешрафт барои ҳамгироии мутобиқсозии тағйирёбии иқлим ба нақшаҳо, барномаҳо ва стратегияҳои миллӣ» дар Павилиони миллӣ, ки аз ҷониби Кумитаи мазкур дар доираи Конфронси 27-уми ҷонибҳои Конвенсияи қолабии Созмони Милали Муттаҳид оид ба тағйирёбии иқлим (КОП-27) дар Шарм-уш-Шейхи Ҷумҳурии Мисри Араб ташкил гардид, баргузор намуданд.

Мақсади баргузории чорабинии мазкур ин муаррифии Паёми чоруми миллии Ҷумҳурии Тоҷикистон оид ба тағйирёбии иқлим, инчунин баррасии чорабиниҳо оид ба таҳияи Нақшаи миллии мутобиқшавӣ ба тағйирёбии иқлим мебошад. Нақшаи миллии мазкур тадбирҳои мутобиқшавӣ оид ба тағйирёбии иқлимро дар бахшҳои афзалиятноки кишвар, аз ҷумла кишоварзӣ, энергетика ва захираҳои об, хоҷагии ҷангал, нақлиёту  инфрасохтор, саноат ва сохтмон муттаҳид менамояд.

Дар чорабинии мазкур директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Қурбонзода Абдулло иштирок ва суханронӣ намуд.