Маҷлиси тантанавӣ бахшида ба Рӯзи Президенти Ҷумҳурии Тоҷикистон дар шаҳри Панҷакент                

Дар толори маҷлисгоҳи шуъбаи  ҳифзи муҳити зист дар шаҳри Панҷакент  ба муносибати Рӯзи Президенти Ҷумҳурии Тоҷикистон ва 30-солагии Иҷлосияи XVI Шӯрои Олии Ҷумҳурии Тоҷикистон бо иштироки кормандон ва шахсони даъватгардида маҷлиси тантанавӣ доир гардид.

Сардори шуъбаи номбурда Истамзода А.И. бо суханони ифтитоҳӣ ба маҷлис ҳусни оғоз бахшида, мақсад аз рӯзи ид муайян гардидани 16 ноябрро, ки дар саҳифаи таърих бо хатти заррин навишта шудаанд, ёдоварӣ намуд. Қайд карда шуд, ки бо иқдому ташаббусҳои созанда, азму иродаи қавӣ ва устуворонаи Асосгузори сулҳу ваҳдати миллӣ - Пешвои миллат Президенти кишвар муҳтарам Эмомалӣ Раҳмон дар ҷумҳурии соҳибистиқлоламон сулҳу ваҳдат, оромиву субот, сарҷамъии миллат, расидан ба ҳадафҳои стратегии мамлакат, қабули қонунҳои миллӣ таъмин гардид.

Дар навбати худ дигар кормандони  шуъба дар бораи  барқарор гардидани сулҳу ваҳдати миллӣ ва ғамхориҳои пайвастаи роҳбари олии мамлакат баҳри рушду нумӯи кишвари азизамон ибрози ақида намуданд.  

Дар интиҳои маҷлиси тантанавӣ барои саҳми арзанда ҷиҳати баланд бардоштани сатҳи маърифати экологии аҳолӣ ва хизматҳои намоён дар амалӣ гардонидани сиёсати созандаю бунёдкорона кормандони собиқадори шуъбаи ҳифзи муҳити зист дар шаҳри Панҷакент Пӯлодов М.Я. ва Салимов А.К. қадршиносӣ гардиданд.