Баргузории чорбинии канорӣ дар мавзуи «Тезонидани татбиқи Саҳми дар сатҳи миллӣ муайяншуда бо мақсади ноил шудан ба партовҳои сифр ва интиқоли энергияи тоза дар саросари ҷаҳон» дар Павилиони миллӣ               

15 ноябри соли ҷорӣ Вазорати энергетика ва захираҳои оби Ҷумҳурии Тоҷикистон дар якҷоягӣ бо Барномаи Рушди Созмони Милали Муттаҳид дар Ҷумҳурии Тоҷикистон (БРСММ) ҳамоишро дар мавзуи «Тезонидани татбиқи Саҳми дар сатҳи миллӣ муайяншуда бо мақсади ноил шудан ба партовҳои сифр ва интиқоли энергияи тоза дар саросари ҷаҳон» дар Павилиони миллӣ, ки аз ҷониби Кумитаи ҳифзи муҳити зисти назди Ҳукумати Ҷумҳурии Тоҷикистон дар доираи Конфронси 27-уми ҷонибҳои Конвенсияи қолабии Созмони Милали Муттаҳид оид ба тағйирёбии иқлим (КОП-27) дар Шарм-уш-Шейхи Ҷумҳурии Мисри Араб ташкил гардидааст, баргузор намуданд.

Дар чорабинии канорӣ нақши ҳамкориҳои ҳамоҳангшуда, талошҳои муштараки минтақавӣ ва глобалӣ барои ноил шудан ба натиҷаҳои назаррас дар мутобиқшавӣ ба тағйирёбии иқлим ва коҳиш додани афзоиши ҳарорати глобалӣ қайд карда шуд. Инчунин, масъалаи тезонидани татбиқи Саҳми дар сатҳи миллӣ муайяншуда бо мақсади ноил шудан ба партовҳои сифр ва интиқоли энергияи тоза баррасӣ гардид.

Қобили қайд аст, ки дар чорабинии мазкур Ҷамшед Шоимзода, муовини якуми вазири энергетика ва захираҳои оби Ҷумҳурии Тоҷикистон, ҷаноби Прадип Курукуласурия, директор оид ба масъалаҳои табиат, иқлим ва энергетика, ҳамоҳангсози иҷроияи БРСММ оид ба маблағгузории муҳити зист, хонум Габриэлла Блаттер, узви Раёсати Фонди глобалии экологӣ ва Сино Тоҳирзода, роҳбари Котиботи Саҳми дар сатҳи миллӣ муайяншудаи Ҷумҳурии Тоҷикистон иштирок ва суханронӣ намуданд.