Намоиши дастовардҳои Кумита дар фестивал-намоиши маҳсулот Бахшида ба Иди меҳргон                                                                                                               

15 октябри соли ҷорӣ дар Боғи фарҳнгу фароғатии ба номи Фирдавсии шаҳри Душанбе бахшида ба Иди Меҳргон фестивал-намоиши маҳсулот ва техникаи кишоварзӣ баргузор гардид.

Дар фестивал намоиши мазкур дар баробари дигар мақомоти давлатӣ, аз ҷумла вазорату идораҳо ва ташкилоту муассисаҳо, дастовардҳои соҳавии Кумитаи ҳифзи муҳити зисти назди Ҳукумати Ҷумҳурии Тоҷикистон ва мақомоти зертобеи он ба маърази тамошо гузошта шуд.

Намояндагони Ҳукумати Ҷумҳурии Тоҷикистон таҳти роҳбарии муовини Сарвазири Ҷумҳурии Тоҷикистон Сулаймон Зиёзода, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Эмомалӣ Насриддинзода аз дастранҷи деҳоқонону кишоварзон дидан намуда, ба кори онҳо баҳои сазовор доданд.

Дастовардҳои дар намоишгоҳ гузошташудаи Кумита аз қитъаи сабз, пахши видеороликҳои тарғиботӣ тавассути экран, насби хаймаҳои егерӣ, маникетҳои кормандони хоҷагиҳои шикорӣ ва макети ҳудудҳои табиии махсус муҳофизатшаванда, лабораторияи сайёр, банерҳо бо навиштаҷот дар бораи ҷашни миллии Меҳргон, Китоби сурхи Тоҷикистон, дигар маводҳои нашрии соҳавӣ ва ғ. иборат буд.

Сокинони пойтахт ва дигар меҳмонон аз намоишгоҳи идона бо рӯҳияи баланди ифтихори миллӣ баҳравар гардиданд.

Дар маросими ҷоизасупорӣ, ки дар фазои идона баргузор гашт ба фаъолони намоиши дастовардҳои беҳтарин Кумитаи ҳифзи муҳити зисти назди Ҳукумати Ҷумҳурии Тоҷикистон бо Сипосномаи Вазорати кишоварзии Ҷумҳурии Тоҷикистон сарфароз гардонида шуд.