Озмуни шаҳрии “Сафои хонадон”                                                                                                             

Бо мақсади иҷрои банди 10 Нақшаи чорабиниҳо оид ба амалигардонии «Барномаи давлатии маљмӯии рушди тарбия ва маърифати экологии аҳолии шаҳри Душанбе барои солҳои 2021-2025», қарори Раиси шаҳри Душанбе аз 22 августи соли 2022, №443 «Дар бораи гузаронидани озмуни шаҳрии «Сафои хонадон» дар самти тарбия ва баланд бардоштани маърифати экологӣ дар шаҳри Душанбе» мавриди амал қарор дода шуд.

Тибқи Низомнома озмун дар ду давр баргузор гашта, даври аввал дар ноҳияҳои шаҳри Душанбе доир гардида, ғолибони озмун аз ҷониби комиссияи ноҳиявӣ ба комиссияи шаҳрӣ пешниҳод гардиданд.

Комиссияи шаҳрӣ бо мақсади муайян намудани ғолиб ва иштирокчиёни озмун барои ҷамъбасти даври шаҳрӣ аз ҳолати вазъи кунунии манзилҳои истиқоматӣ, малакаи муносибати оқилона ба сарфаи об, растаниҳои хонагӣ, рафтори муносиб ба атрофиён, муҳити зист, дарбаргирии сифати зиндагии шоистаи оила, аз ҷумла маърифати экологии хонаводагӣ, иштирок дар корҳои маърифатӣ ва ободонии маҳалли зист, тозагии ҳолати биноҳои истиқоматӣ, сарсабзу хуррамгардонии назди биноҳои истиқоматӣ, робитаи оилаҳо бо муассисаҳои томактабию мактабӣ аз чанд оилаҳои интихобкарда дидан намуд.

Дар ин зимн, таъкид менамоем, ки баргузор намудани озмун дар байни оилаҳо яке аз ҳадафҳои асосии баланд бардоштани маърифат ва тарбияи экологӣ байни оилаҳо маҳсуб ёфта, дар ин росто чунин чорабиниҳо дар баланд бардоштани маърифатнокии экологии занону бонувон нақши муҳим мебозад.

Ғолибони озмун аз тарафи аъзои комиссия баҳогузорӣ гардида, бо туҳфаҳо ва “Диплом”-и Мақомоти иҷроияи ҳокимияти давлатии шаҳри Душанбе қадрдонӣ карда мешаванд.