Баргузории аксияҳои экологӣ дар доираи омодагиҳо ба Ҷашни Истиқлолияти давлатӣ дар ноҳияи Рӯдакӣ                                                                                            

Шуъбаи ҳифзи муҳити зисти ноҳияи Рӯдаки ҷиҳати беҳдошти муҳити зист, боз ҳам беҳтар намудани ҳолати санитарию экологии худуди ноҳия, сазовор таҷлил намудани Рӯзи Истиқлолияти давлатии Ҷумҳурии Тоҷикистон дар ҳудуди ҷамоатҳои деҳоти Чоряккорон ва Сарикиштии ноҳияи Рӯдакӣ аксияи «Тозагии маҳал» гузаронид.

Чорабинии мазкур бо ҷалби беш аз 50 нафар сокинони маҳал гузаронида шуда, дар рафти баргузории он ба масофаи 250 метр роҳҳои пиёдагарду нақлиётгузар аз партовҳо тоза карда шуда, ба миқдори 5 м³ партовҳо ба партовгоҳи ноҳия бароварда шуданд.

Чунин чорабиниҳои экологӣ бо мақсади тозаву озода нигоҳ доштани муҳити зисти ноҳияи Рӯдакӣ пайваста гузаронида мешавад.