Мизи мудаввар оид ба “Баланд бардоштани маърифати экологӣ” дар ВМКБ                                                                                          

Сарраёсати ҳифзи муҳити зист дар ВМКБ ба муносибати 31-умин солгарди Истиқлолияти давлатии Ҷумҳурии Тоҷикистон дар ҳамкории Раёсати кор бо ҷавонон ва варзиши ВМКБ ва иштироки кормандони Китобхонаи бачагонаи вилоятӣ мизи мудаввар дар мавзуи “Баланд бардоштани маърифати экологӣ” баргузор намуд.

Дар ҷамъомад сармутахассисони сарраёсат Додалиева Б. ва Зайдуллоева Г. дар мавзуъҳои коҳиш додани таъсири манфӣ ба муҳити зист, ҷалб намудани донишҷӯён ва толибилмон ба чорабиниҳои экологӣ, омӯзиш ва истифодабарии такрории партов, инчунин паҳн кардани буклетҳо, китобчаҳо дар мавзуи “Маърифат ва фарҳанги экологӣ” дар байни кӯдакон ва калонсолон баромад намуданд.

Инчунин, мутахассисон бо ҳамфикрӣ оид ба масъалаҳои зикргардида суханронӣ намуда, минбаъд дар ҳолати хуби экологӣ нигоҳ доштани ҳудуди вилоят фикру андешаҳои худро баён доштанд. Дар ҷамъомад 35 нафар иштирок намуда, таклиф ба миён гузошта шуд, ки чунин ҷамъомадҳо барои баланд бардоштани сатҳи дониши экологии аҳолӣ бештар гузаронида шавад.