Идомаи корҳои ободонӣ дар шаҳри Хуҷанд                                                                                        

Бо иқдоми шуъбаи ҳифзи муҳити зист дар шаҳри Хуҷанд бо мақсади сазовор истиқбол намудани 30-солагии Иҷлосияи 16-уми Шӯрои Олии Ҷумҳурии Тоҷикистон дар ҳар ду соҳили дарёи Сир аксияи «Тозагии соҳил» ташкил ва гузаронида шуд.

Ба аксияи мазкур беш аз 500 нафар кормандони касбу кори гуногун, донишҷӯён ва масъулини соҳаи ободонӣ ҷалб карда шуданд.

Ҳашарчиён аз канори дарё алафҳои худрӯйи соҳил, партовҳои истеъмолии пластикию полиэтилениро ба пуррагӣ тоза намуда, баҳри тоза нигоҳ доштани дарёи Сир мусоидат намуданд.

Таъкид шуд, ки бояд шаҳрвандон дарк намоянд, ки дар ҳама ҳолат муҳимтарин вазифаи инсоният- ин ҳифзи муҳити зист ба ҳисоб меравад.