16 сентябр-Рӯзи байналмилалии ҳифзи қабати озон                                                                                     

Бахшида ба Рӯзи байналмилалии ҳифзи қабати озон, ки  16 сентябри соли 1994 аз тарафи Созмони Милали Муттаҳид эълон гардидааст, ҳамасола аз тарафи кишварҳои ҷаҳон ин рӯз бо баргузории чорабиниҳои сатҳи баланди ташвиқотию тарғиботӣ таҷлил мегардад. Ҳадафи таҷлили санаи мазкур ҷалби таваҷҷуҳи кишварҳои ҷаҳон ва ҷомеаи шаҳрвандӣ барои ҳифзи қабати озон бо роҳи маҳдуд намудани истеҳсоли моддаҳои вайронкунандаи қабати озон  ва дар натиҷа пурра даст кашидан аз истифодаи чунин маводҳо мебошад.

Чун ҳамасола, имсол низ бо дастгири Ҳукумати Ҷумҳурии Тоҷикистон ва шарикони рушд   Рӯзи байналмилалии ҳифзи қабати озон аз тарафи Кумитаи ҳифзи муҳити зист бо ҷалби олимон ва коршиносони соҳа чорабиниҳои илмию амалӣ оид ба тарзи дуруст истифода бурдани таҷҳизотҳои дорандаи моддаҳои вайронкунандаи қабати озон баргузор карда шуданд. 

Аз тарафи мутахассисони Кумита ва мақомотҳои маҳаллии ҳифзи муҳити зист дар шаҳру ноҳияҳои ҷумҳурӣ назорати давлатӣ ва корҳои фаҳмондадиҳӣ ҷиҳати таъмиру истифодаи дурусти дастгоҳу таҷҳизотҳои дорандаи моддаҳои вайронкунандаи қабати озон ба роҳ монда шудааст.

Барои татбиқи “Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025” дар 5 муассисаи таҳсилоти миёнаи умуми шаҳри Душанбе бо дастгири раиси Кумитаи ҳифзи муҳити зисти назди Ҳукумати Ҷумҳурии Тоҷикистон ба ҳар як муассиса 10 адад Китоби сурхи Ҷумҳурии Тоҷикистон тақдим карда шуд, ки  хонандагон метавонанд ба ин восита аз олами набототу ҳайвоноти нодири ҷумҳурӣ хабардор шуда,  барои ҳифз намудани онҳо дар оянда саҳмгузор бошанд. 

Дар Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон низ бахшида ба ин санаи муҳими байналмилалӣ семинари омӯзишӣ баргузор гардида, дар он коршиносону мутахассисони соҳавӣ бо рӯйнамоҳо баромад намуданд.

Ҷумҳурии Тоҷикистон  4 ноябри соли 1995 ба Конвенсияи Вена дар бораи ҳифзи қабати озон ва 13 ноябри соли 1997 ба Протоколи Монреал оид ба моддаҳои вайронкунандаи қабати озон  ҳамроҳ гардидааст.