Омодагиҳо ба Ҷашни Истиқлолият дар шаҳри Хоруғ                                                                                 

Шуъбаи ҳифзи муҳити зист дар ш. Хоруғ ба муносибати Ҷашни 31-солагии Истиқлолияти давлатии Ҷумҳурии Тоҷикистон бо мақсади дар сатҳи хубу намунавӣ нигоҳ доштани вазъи экологии шаҳри Хоруғ корҳои зиёде ба анҷом расонда истодааст.

Дар давоми ҳашт моҳи соли ҷорӣ дар ҳамкорӣ бо Мақомоти иҷроияи ҳокимияти давлатии шаҳри Хоруғ ва дигар сохторҳои давлатию ҷамъиятӣ дар ҳудуди шаҳри мазкур 15 маротиба аксияҳои экологии “Тозагии соҳил” ташкил ва гузаронида шуд. Дар ин аксияҳо 22,5 км соҳили дарёҳо каналу ҷуйборҳо, латокҳои ҳудуди шаҳри Хоруғ аз партовҳо ва лоиқа тоза карда шуданд. Ба миқдори 79 м³ партовҳо ба партовҷой интиқол дода шуданд.

Барои тоза нигоҳ доштани кӯчаю паскӯчаҳои шаҳр ҳар ҳафта ҳашари умумишаҳрӣ гузаронида шуда, дар давоми ҳашт моҳ 23 маротиба ҳашарҳо баргузор гардиданд.

Дар ҳашарҳо ва аксияи “Тозагии маҳал” 4119 нафар сокинони маҳал иштирок намуда, 117,5 м³ партовҳо ба партовгоҳ интиқол дода шуданд Ҳамчунин, 2 маротиба аксияи “Тозагии роҳ” гузаронида шуд.

Ба истиқболи 31-солагии Истиқлолияти давлатии Ҷумҳурии Тоҷикистон гулзорҳо ва сабзазорҳои шаҳри Хоруғ ҳар ҳафта таҷдид гардида, то кунун беш аз 12 ҳазор м² чунин қитъа гулзорҳо ташкил шудааст. Мутахассисони шуъба барои роҳ надодан ба қонуншиканиҳо ҳар ҳафта як маротиба кӯчаю паскӯчаҳои шаҳр ва соҳили дарёҳоро назорат мекунанд.