Кумаки маводи ғизоӣ ба мактаби махсуси ҷумҳуриявӣ дар шаҳри Душанбе                                                                                 

Дар арафаи таҷлили Ҷашни Истиқлолияти давлатии Ҷумҳурии Тоҷикистон дар партави дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати дастгирии ятимону маъюбон, оилаҳои камбизоат, шахсони яккаву танҳо ва аз ҷиҳати саломатӣ нуқсондошта аз ҷониби Кумитаи ҳифзи муҳити зисти назди Ҳукумати Ҷумҳурии Тоҷикистон ба мактаби махсуси ҷумҳуриявӣ дар шаҳри Душанбе кумаки маводи ғизоии навбатӣ расонида шуд.

Маводи ғизоӣ, аз 200 кг биринҷ, 60 литр равған, 200 кг картошка, 200 кг пиёз ва 60 кг сабзӣ иборат буд.

Чунин кумакҳо аз ҷониби Кумита ва сохторҳои тобеи он дар ҷойҳо ба табақаҳои ниёзманди ҷомеа пайваста расонида мешавад.