Корҳои фаҳмондадиҳӣ байни кормандони ҳифзи муҳити зист дар вилояти Хатлон                                                                        

Санаи 20 августи соли равон дар толори Раёсати хоҷагии об ва беҳдошти замини вилояти Хатлон семинари омӯзишӣ баргузор гардид, ки дар он Садори Маркази стандартикунонӣ, методологӣ ва меъёрҳои экологии Кумитаи ҳифзи муҳити зисти назди Ҳукумати кишвар Абдураҳимов Бозор иштирок дошт.

Мавсуф дар суҳбати фаҳмондадиҳӣ бо кормандони Сарраёсати ҳифзи муҳити зисти вилояти Хатлон ва шуъбаву бахшҳои он дар шаҳру навоҳии вилоят иштирок намуда, тавассути рӯйнамо оид ба раванди татбиқи қарори Ҳукумати Ҷумҳурии Тоҷикистон "Дар бораи қоидаҳои муайян намудани меъёрҳои арзиёбии дараҷаи таваккали фаъолияти субъекти хоҷагидор" маърӯза намуда, ҷиҳати иҷрои вазифаҳои пешбинигардида ба ҳозирин маслиҳатҳои судманд дод.

Семинар машварати мазкур дар асоси дастуру супориши роҳбарияти Кумитаи ҳифзи муҳити зисти назди Ҳукумати Ҷумҳурии Тоҷикистон, ҷиҳати иҷрои қарори Ҳукумати Ҷумҳурии Тоҷикистон " Дар бораи Қоидаҳои муайян намудани меъёрҳои арзиёбии дараҷаи таваккали фаъолияти субъекти хоҷагидор" ба роҳ монда шудааст.