Аксияи "Тозагии маҳал" дар ноҳияи Вахш                                                                           

Дар асоси нақша-чорабиниҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва Сарраёсати ҳифзи муҳити зист дар вилояти Хатлон ҷиҳати хотирмон ва дар сатҳи баланд таҷлил намудани 31-умин солгарди Истиқлолияти давлатии мамлакат аз ҷониби бахши ҳифзи муҳити зисти ноҳияи Вахш дар ҷамоати деҳоти 20-солагии ноҳия аксияи экологии "Тозагии роҳ" гузаронида шуд, ки дар он сокинон инчунин кормандони касбу кори гуногун ширкат варзиданд.

Дар рафти баргузории аксияҳои мазкур наздики 400 нафар сокинон иштирок намуда, 4 км шоҳроҳу ҷӯйборҳоро аз партов ва алафҳои бегона тоза намуданд.

Чунин чорабиниҳои экологӣ дар дигар ҷамоату деҳот ва маҳаллаҳо идома дорад, иброз дошт, Манучеҳр Маҳмадзода мудири бахши ҳифзи муҳити зисти ноҳияи Вахш.