Идомаи аксияҳои экологӣ дар ноҳияи Рӯдакӣ                                                                 

Шӯъбаи ҳифзи муҳити зисти ноҳияи Рӯдакӣ тибқи нақша чорабиниҳои тасдиқгардида бо мақсади сазовор пешвоз ва хотирамон ҷашн гирифтани ҷашнвораҳои давлатӣ, миллӣ ва касбӣ дар ҳудуди ҷамоатҳои деҳоти Чортеппа ва Ҷӯйбодом аксияи «Тозагии маҳал» гузаронид. Чорабинии мазкур бо фарогирии 35 нафар ба роҳ монда шуда, дар рафти ҷараёни он 400 метр шафатҳои роҳҳои пиёдагард ва ҷӯйборҳо аз партовҳои маишӣ ба миқдори 2,8 метри мукааб тоза карда шуданд.

Чунин иқдом дар ҳудуди ҷамоатҳои деҳоти Лоҳур ва Зайнабобод бо иштироки зиёда аз 90 нафар сокинон 400 метри роҳҳои деҳаҳо ва худуди маҳаллаҳо ба микдори 7 метри мукааб аз алафҳои худрӯй тоза карда шуда, партовҳо ба партовгоҳи расмӣ бароварда шуданд.

Инчунин, дар ноҳияи мазкур аксияи «Тозагии шоҳроҳ» дар ҳудуди деҳаи Алабайтали ҷамоати деҳоти Лоҳур ва Зайнабобод гузаронида шуд. Дар рафти чорабинии мазкур бо иштироки зиёда аз 100 нафар сокинони маҳаллӣ дар ду шафати шоҳроҳи Душанбе-Бохтар ва шоҳроҳи Душанбе-Ёвон инштирок намуда, масофаи 800 метр ва 3 киллометри ду шафати шоҳроҳҳо аз алафҳои худрӯйю хушкгардида ва аз партовҳои полиэтилению пластикӣ ба миқдори 9 метри мукааб тоза карда шуда, партовҳо ба партовҳои расмии ноҳия интиқол дода шуданд.