Семинари омӯзишӣ оид ба “Мониторинги саҳми дар сатҳи миллӣ муайяншуда”                                                     

Аз 26 то 29 июли соли ҷорӣ дар меҳмонхонаи “Хаятт Реҷенси” семинари омӯзишӣ оид ба “Мониторинги саҳми дар сатҳи миллӣ муайяншуда” баргузор мегардад. Имрӯз дар маросими ифтитоҳи ҳамоиши мазкур раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон ва директори намояндагии Бонки Осиёгии Рушд дар Ҷумҳурии Тоҷикистон (БОР) Шанни Кэмпбелл иштирок ва суханронӣ намуданд.

Сипас, аз ҷониби мутахассис оид ба тағйирёбии иқлими Раёсати устуворӣ ва тағйирёбии иқлими Барномаи Осиёии Рушд Эсмира Хавиер оид ба пешрафти саҳми дар сатҳи миллӣ муайяншуда рӯйнамо пешниҳод карда шуд.

Дар қисматҳои дигари семинари омӯзишии рӯзи аввал оид ба масъалаҳои рӯзномавии натиҷаҳои мантиқӣ, муҳокимаҳои озод, кор дар гурӯҳҳо, натиҷагириҳои рӯзи якум, баррасии сессияҳои рӯзи якум ва ҷалби ҷонибҳои манфиатдор таваҷҷуҳ зоҳир карда шуд.

Бояд тазаккур дод, ки Ҷумҳурии Тоҷикистон соли 2021 саҳми дар сатҳи миллӣ муайяншударо такмил дода, онро ба Котиботи Конвенсияи қолабии СММ оид ба тағйирёбии иқлим муаррифӣ намуд. Дар ҳуҷҷати мазкур амалҳои қатъӣ дар самти мутобиқшавӣ ба тағйирёбии иқлим ва коҳиш додани таъсири тағйирёбии иқлим ҷиҳати таъмини рушди устувор ва муассир, ҳалли мушкилоти экологӣ ва иҷтимоию иқтисодӣ пешбинӣ шудаанд. Ҳуҷҷати мавриди назар тадбирҳоеро дар бар мегирад, ки ҷумҳурӣ тасмим дорад дар давраи то соли 2030 амалӣ намояд.

Ҳадаф аз баргузории семинари омӯзишии мазкур ин баланд бардоштани сатҳи маълумотнокӣ, таҳкими дониш ва малакаҳои иштирокдорон оид ба мониторинг ва арзёбӣ дар асоси натиҷаҳо, ҳисоботдиҳӣ ва мувофиқанамоӣ мебошад.

Оид ба баргузории ҳамоишҳои рӯзҳои минбаъда дар семинари омӯзишии мазкур моро пайгирӣ намоед.