Истифодаи техникаҳои борбардору  боркаш дар аксияҳои экологӣ дар ноҳияи Шаҳритуси вилояти Хатлон                                                 

Бахши ҳифзи муҳити зист дар ноҳияи Шаҳритуси вилояти Хатлон бо мақсади тозаву озода нигоҳ доштани маҳалҳои аҳолинишин, кӯчаҳои марказии шаҳраки Шаҳритус вобаста ба гузаронидани аксияҳои экологии “Тозагии маҳал” ва “Тозагии соҳил” санаи 2 июл аксияи экологии “Тозагии маҳал”-ро ташкил ва баргузор намуд.

Дар рафти баргузории аксияи мазкур партовгоҳҳои муваққатии кӯчаи Ваҳдат ва И. Сомонии ҷамоати шаҳраки Шаҳритус аз ҳар гуна партовҳо тоза карда шуда, партовҳо ба партовгоҳи расмии ноҳия интиқол дода шуданд. Аз тарафи бахш барои бардоштан ва интиқол додани партовҳо ба партовгоҳи расмии ноҳия 1 адад техникаи пуриқтидори “Мехлопата” ва 3 адад автомашинаҳои боркаш сафарбар карда шуд.

Бахши ҳифзи муҳити зист дар ноҳияи Шаҳритуси вилояти Хатлон дар оянда низ барои тозаву озода нигоҳ доштани маҳалҳои аҳолинишин аз тамоми имкониятҳои ҷойдошта истифода хоҳад бурд.