Аксияҳои экологӣ дар шаҳри Левакант                                             

25-уми июн, бо ташаббуси бахши ҳифзи муҳити зист дар ш. Левакант, дар шоҳроҳи Левакант-Бохтар ва кӯчаҳои марказӣ, аксияи тозагии маҳал ва тозагии шоҳроҳ гузаронида шуд.

Дар ин аксияҳо, кормандони ташкилоту корхонаҳо ва сокинон фаъолона иштирок намуда, дар тозагии муҳити зист саҳми худро гузоштанд. Онҳо дар ин рӯз шоҳроҳ ва кӯчаҳои шаҳрро аз ҳар гуна партову хасу хошок тоза намуда, бехи гулу буттаҳоро тоза ва нарм карданд.

Мудири бахши ҳифзи муҳити зисти шаҳр Абосов Ш. гуфт, ки чунин шанбегиҳои дастаҷамъона ва Аксияҳои “Тозагии маҳал” ва “Тозагии соҳил” ҳар ҳафта дар ҳудуди шаҳр ва ҷамоатҳои деҳоти «Ваҳдат»-у «Гулистон» бо ҷалби кормандони ташкилоту корхонаҳо гузаронида мешаванд. Инчунин ӯ афзуд, мутахассисони бахш, бо аҳолӣ дар хусуси тозагии ҳудуди шаҳр, муомилот бо партовҳо, кабудизоркунию солимгардонии муҳити зист корҳои таблиғотию ташвиқотиро дар сатҳи лозимӣ ба роҳ мондаанд.