Сафари кории муовини якуми раиси Кумита ба ноҳияи Мурғоб                                          

Тибқи фармоиши раиси Кумитаи ҳифзи музити зисти назди Ҳукумати Ҷумҳурии Тоҷикистон муовини якуми раиси Кумита аз санаи 21 моҳи июни соли ҷорӣ барои таҷлили ҷашни рӯзи Ваҳдати миллӣ дар якҷоягӣ бо мардуми ноҳияи Мурғоби ВМКБ сафар намуд. Бахшида ба ҷашни Ваҳдати миллӣ озмуни “Донандаи беҳтарини забони давлатӣ” дар ноҳия ҷамъбаст гардида, ғолибон бо диплому мукофотҳо сарфароз гардонида шуданд ва чорабинӣ дар сатҳи баланд бо ширкати аҳолии ноҳия ва намояндагони мақомоти иҷроияи ҳокимияти давлатии вилояти ВМКБ баргузор гардид. Дар рафти чорабинӣ раиси ноҳия, муовини якуми раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва намояндаи мақомоти иҷроияи ҳокимияти давлатии вилоят суханронӣ намуда, сокинони ноҳияро бо рӯзи ҷашни Ваҳдати миллӣ табрик намуданд.

Инчунин дар маркази ноҳия маркази будубоши рӯзонаи кӯдакони имконияташон маҳдуд ва дар ҷамоати ба номи Бердибаеви ноҳияи мазкур сехи дӯзандагӣ барои истеҳсоли либосҳои мактабӣ кушода шуд, ки дар оянда ноҳияро бо либосҳои мактабӣ таъмин менамояд.