Таҷлили Рӯзи умумиҷаҳонии муҳити зист дар шаҳри Ваҳдат                                       

Бо ибтикори шуъбаи ҳифзи муҳити зист ва муассисаҳои соҳаи маорифи  шаҳри Ваҳдат дар боғи фарҳангу фароғатии шаҳри мазкр бахшида ба 50-солагии Рӯзи умумиҷаҳонии муҳити зист барномаи идона баргузор гардид.

Дар чорабинии идона муовинони раиси шаҳр, кормандони шуъбаи ҳифзи муҳити зист, намояндагони шуъбаи маорифи шаҳр, омӯзгорону хонандагони муассисаҳои таҳсилоти миёнаи умумӣ ва намояндагони воситаҳои ахбори оммаи маҳаллӣ ширкат варзиданд.

Дар рафти чорабинӣ хонандагон дар мавзуъҳои гуногуни марбут ба ҳифзи муҳити зист, аз ҷумла обшавии пиряхҳо, истифодаи самараноки об, ҳифзи замин ва муомилот бо партовҳо баромад намуданд.

Дар интиҳои чорабинӣ аз ҷониби кормандони шуъбаи ҳифзи муҳити зист дар шаҳри Ваҳдат ба омӯзгорон ва хонандагони муассисаҳои таҳсилоти миёнаи умумӣ барои иштироки фаъол дар чорабиниҳои экологӣ сипосномаву туҳфаҳои хотиравӣ тақдим карда шуд