Таҷлили Рӯзи умумиҷаҳонии муҳити зист дар шаҳри Панҷакент                          

Дар асоси нақшаи чорабинии тасдиқгардида, бо ибтикори шуъбаи ҳифзи муҳити зист дар шаҳри Панҷакент ва муассисаҳои соҳаи маорифи шаҳри Панҷакент дар Мамнӯъгоҳи таърихиву бостоншиносии Саразм барномаи идона бахшида ба 50 солагии Рӯзи умумиҷаҳонии муҳити зист гузаронида шуд.

Дар чорабинии идона кормандони шуъба, намояндагони шуъбаи маорифи шаҳр, омӯзгорону хонандагони муассисаҳои таълимии №3, 30 ва намояндагони воситаҳои ахбори оммаи маҳаллӣ ширкат варзиданд.

Дар рафти чорабинӣ хонандагон дар мавзӯҳои марбут ба ҳифзи муҳити зист, баланд бардоштани маърифати экологӣ, обшавии пиряхҳо, самаранок истифода бурдани об, ҳифзи замин ва партов баромадҳо намуданд.

Дар интиҳои чорабинӣ аз ҷониби кормандони шуъба ба омӯзгорон ва хонандагон барои иштироки фаъол дар чорабиниҳои экологӣ сипосномаву туҳфаҳо тақдим карда шуд.