Семинари ниҳоӣ дар доираи лоиҳаи “Ҷанбаи педагогии баланд бардоштани шуури экологӣ ҳамчун омили таъсиррасон ба тағйирёбии иқлими ҷаҳонӣ”                                

2 июни соли 2022 дар толори маҷлисии Кумитаи ҳифзи муҳити зисти назди Ҳукумати Ҷумҳурии Тоҷикистон дар доираи лоиҳаи “Ҷанбаи педагогии баланд бардоштани шуури экологӣ ҳамчун омили таъсиррасон ба тағйирёбии иқлими ҷаҳонӣ” семинари ниҳоӣ баргузор гардид.

Чорабиниро муовини якуми раиси Кумита Қиёмзода Зарафо Суфиҷон оғоз бахшида, оид ба татбиқи ҳадафҳои “Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025” суханронӣ намуд. Аз ҷумла қайд карда шуд, ки роҳандозӣ гардидани чунин лоиҳаҳо барои баланд бардоштани сатҳи маърифати экологӣ мусоидат мекунад.

Тибқи барномаи семинари лоиҳаи мавриди назар намояндагони МД “Маркази таълимӣ-методӣ ва мониторинги сифати таълимии Вазорати меҳнат, муҳоҷират ва шуғли аҳолии Ҷумҳурии Тоҷикистон, “Сафинаи меҳр” баромад намуданд.

Ҳамзамон, натиҷаи тадқиқот дар мавзуи “Ҷанбаи педагогии баланд бардоштани шуури экологӣ ҳамчун омили таъсиррасон ба тағйирёбии иқлим” аз ҷониби намояндаи ташкилоти “Сафинаи меҳр” ва Дастури методӣ аз фанни “Экология” барои омӯзгорони муассисаҳои таҳсилоти ибтидоии касбӣ рӯйнамоӣ карда шуд.

Дар қисмати дигари ҷорабинӣ масъалаҳои дар болозикр мавриди баррасӣ қарор дода шуда, баромадкунандагон ба саволҳои додашуда ҷавобҳои мушаххас доданд.