Баргузории мизи мудаввар дар ноҳияи Фархор                             

Дар асоси нақшаву чорабиниҳои бахши ҳифзи муҳити зисти ноҳияи Фархор дар таҷлили ҷашни 50-солагии Рӯзи умумиҷаҳонии муҳити зист тақвияти корҳои фаҳмондадиҳию тарғиботӣ ба мақсади баланд бардоштани сатҳи маърифати экологии аҳолӣ, рӯзи 1-июни соли равон дар бинои китобхонаи Марказии ноҳияи Фархор мизи мудаввар бо иштироки хонандагони муассисаҳои таҳсилоти миёна ва томактабӣ дар мавзуи “Ҳифзи табиати диёр” баргузор гардид.

Дар чорабинӣ мудири бахш Ҳаитов А баромад намуда, моҳият ва аҳамияти муҳити зистро ба иштирокчиён шарҳ дод.

Сипас хонандагон дар мавзуи муҳити зист шеърҳо қироат карда саҳначаҳо намоиш доданд.