Тарғиби маърифати экологӣ асоси фаъолият                         

Дар арафаи ҷашни Рӯзи байналмилалии муҳити зист дар шуъбаи ҳифзи муҳити зист дар шаҳри Хуҷанд нишаст баргузор гардид.

Барои ҳамкории мутақобилан судманд намояндагони воситаҳои ахбори омма бо кормандони шуъба баҳри тарғибу ташфиқи масъалаҳои экологӣ дар садову симо ба сармуҳаррири рӯзномаи “Тирози ҷаҳон”, сардори дафтари матбуоти раиси шаҳри Хуҷанд, ва роҳбарони литсейҳои политехникӣ, сохтмонӣ, касбӣ-хизматӣ, техникии шаҳри Хуҷанд бо Сипоснома ва туҳфаҳои хотиравии шуъбаи ҳифзи муҳити зист қадршиносӣ гардиданд.

Таъкид шуд, ки дар оянда низ барои тозаву озода нигоҳ доштани муҳити зисти шаҳр, тарғиби фарҳанги зебоипарастӣ, маърифтаи экологӣ ва тарзи ҳаёти тозаву солим дар ҳамкорӣ бо шуъбаи ҳифзи муҳити зисти шаҳри Хуҷанд корҳо тақвият бахшида мешавад.