Аксияи “Тозагии маҳал” дар ноҳияи Фархор          

Дар асоси фармоиши раиси Кумитаи ҳифзи муҳити зисти назди Ҳукумати Ҷумҳурии Тоҷикистон 21-уми майи соли 2022, баҳри тозаву озода нигоҳ доштани маҳали зист бо иштироки кормандони ташкилоту муассисаҳои ҳудуди ҷамоати шаҳраки Фархор аксияи “Тозагии маҳал-2022” гузаронида шуд.

Дар аксияи мазкур зиёда аз 78 нафар кормандони ниҳодҳои гуногун иштирок намуда, ба тоза намудани саҳни муассисаву ташкилот ва кучат намудани гулҳои мавсимӣ машғул шуданд.

Дар натиҷа ба ҳаҷми 1,5 м³ партовҳо ба партовгоҳи ноҳиявӣ интиқол дода шуд. Чунин аксияҳои экологӣ дар тамоми ҷамоатҳои шаҳраку деҳоти ноҳия идома дорад.