Баргузории аксияҳои “Тозагии роҳ” дар ноҳияи Шаҳритус            

Бахши ҳифзи муҳити зист дар ноҳияи Шаҳритус бо мақсади тозаву озода нигоҳ доштани шафати шоҳроҳи мошингузари Шаҳритус - Носири Хусрав бинобар сабаби баргузор гардидани Марафони дав бахшида ба чорабиниҳои дарпешистодаи Даҳсолаи байналмилалии амал “Об барои рушди устувор, солҳои 2018-2028”, ки аввалҳои моҳи июни соли 2022 дар шаҳри Душанбе пешбинӣ гардидааст, бо ҷалби сокинони ҷамоатҳои шаҳраку деҳоти ноҳияи мазкур аксияи экологии “Тозагии роҳ” баргузор намуд.

Дар баргузории аксияи мазкур се адад техникаи боркаши навъи “Камаз” сафарбар гардида, дар натиҷа ду тарафи шоҳроҳи “Шаҳритус – Носири Хусрав ва маҳалҳои аҳолинишини шафати шоҳроҳи мазкур аз ҳаргуна партовҳо тоза ва партовҳои ҷамъоваришуда ба партовгоҳи расмии ноҳия интиқол дода шуданд.

Аз тарафи кормандони бахши ҳифзи муҳити зист дар ноҳияи Шаҳритус корҳои назоратӣ ҷиҳати тозаву озода нигоҳ доштани хатсайри Марафони дав ба роҳ монда шудааст.