Баргузории аксияҳои экологӣ дар ҳудуди ноҳияи Шаҳринав            

Дар асоси фармоиши раиси Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади таҷлили Рӯзи умумиҷаҳонии муҳити зист, тақвияти корҳои фаҳмондадиҳиву тарғиботӣ, бо мақсади баланд бардоштани сатҳи маърифати экологии аҳолӣ 20-уми майи соли ҷорӣ дар ноҳияи Шаҳринав, ҳудуди шоҳроҳи Душанбе-Турсунзода аксияҳои "Тозагии роҳ" ва "Тозагии маҳал" бо ҷалби ташкилоту муассисаҳо, корхонаю ширкатҳо гузаронида шуд.

Дар чорабиниҳои мазкур беш аз 650 нафар сокинони ҷамоатҳо ва кормандони сохторҳои маҳаллии ноҳия иштирок намуда, минтақаҳои аҳолинишин, атрофи биноҳои маъмурӣ, соҳили каналу ҷӯйҳоро аз харгуна партовҳо тоза намуданд.

Инчунин дохили гулдонҳои ҳудуди шоҳроҳ аз ҳаргуна алафҳои бегона тоза гашта, пояи дарахтони сояафкан сафед карда шуданд. Дар натиҷаи 3,5м³ партовҳо ҷамъоварӣ ва ба партовгоҳи ноҳиявӣ интиқол дода шуданд.