Баргузории аксияи экологии “Тозагии соҳил” дар ноҳияи Мурғоб

Шуъбаи ҳифзи муҳити зист дар ноҳияи Мурғоб ҷиҳати иҷрои фармоиши раиси Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади сазовор пешвоз гирифтани ҷашнҳои миллию давлатӣ, тозаю озода нигоҳ доштани кӯчаю паскӯчаҳо ва ҷалби шаҳрвандон дар беҳтар намудани вазъи экологӣ вобаста ба баргузор намудани аксияи «Тозагии соҳил-2022» корҳои зиёдеро ба анҷом расонид.

21 майи соли ҷорӣ бо иштироки беш аз 150 нафар кормандони касбу кори гуногун, сарбозон ва хонандагони муассисаҳои таълимӣ аксияи «Тозагии соҳил-2022» баргузор гардид.

Дар рафти аксияи мазкур аз ҷониби иштирокчиён маркази ноҳия ва инчунин соҳили дарёи Оқсӯ ба масофаи 1 км аз ҳаргуна партовҳо тоза гардида, партовҳои ҷамъшуда ба партовгоҳи марказӣ интиқол дода шуданд.