Вохурӣ ба намояндагони мақомоти коррупсия            

Санаи 21 апрели соли 2022 вохӯрии кормандони Кумитаи ҳифзи муҳити зист бо намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон баргузор гардид.

Мақсад аз баргузории вохӯрӣ пешгирӣ аз содиршавии амолҳои коррупсионӣ, рафти иҷрои стратегия ва нақшаҳои амал оид ба масъалаи мазкур ба шумор мерафт.

Дар вохӯрӣ роҳбарият ва кормандони дигари сохторҳои Кумита иштирок намуданд. Намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон Муқимӣ Нигора сардори Раёсати таҳлили хавфҳои коррупсия ва пешгирии ҳуқуқвайронкунии коррупсионӣ ва Шамсиддинзода Насим нозири калони Раёсати таҳлили хавфҳои коррупсия ва пешгирии ҳуқуқвайронкуниҳои коррупсионӣ бо кормандон оид ба масъалаҳои корбарию коргузорӣ ва мусоидат дар чорабиниҳои зиддикоррупсионӣ суҳбат намуданд.

Дар вохӯрӣ доир мавзуи матраҳшуда суолҳо дода шуда, аз ҷониби баромадкунандагон ба онҳо ҷавобҳои мушаххас гардонида шуд.