Семинари илмӣ дар вилояти Хатлон

Бо дастгирии Кумитаи ҳифзи муҳити зисти назди Ҳукумати Ҷумҳурии Тоҷикистон дар доираи татбиқи “Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025” ва Конвенсияи Стокголм оид ба ифлоскунандаҳои устувори органикӣ дар толори Шӯрои иттифоқҳои касабаи вилоят семинари илмӣ дар мавзуи “Идоракунии моддаҳои химиявӣ ва партовҳо дар Тоҷикистон” бо иштироки намояндагони ташкилоту муассисаҳои вилоятӣ ва шаҳри Бохтар марбут ба масъалаи мазкур баргузор гардид.

Семинарро намояндаи ОРХУС шаҳри Бохтар оғоз намуда, устодону олимони донишкадаҳои илмиии ҷумҳуриявӣ ва Маркази дастгирӣ дар мавзӯъҳои беҳтар кардани идоракунии маводи химиявӣ, зироатчигии органикӣ ва истифодаи усулҳои табиӣ мубориза бар зидди ҳашарот, пластик ва партовҳои пластикӣ, ҳалли мушкилот дар сатҳи миллӣ ва байналмилалӣ маърузаҳо намуданд.

Дар охир иштирокдорони семинар баромадҳо, саволу ҷавоб намуда, оид ба истифодаи усулҳои табиии мубориза бар зидди ҳашарот, таъсири моддаҳои химиявӣ ба саломатии одамон пешниҳоду таклифҳо намуданд.