Мулоқот бо намояндагони Агентии ИМА оид ба рушди байналмилалӣ дар Тоҷикистон (USAID)

7 апрели соли равон вохӯрии муовини якуми раиси Кумитаи ҳифзи муҳити зисти назди Ҳукумати Ҷумҳурии Тоҷикистон Қиёмзода З.С. бо намояндагони Агентии ИМА оид ба рушди байналмиллалӣ дар Тоҷикистон (USAID) баргузор гардид. Дар вохӯрии мазкур масъалаҳои вобаста ба иҷрои нақшаи амалигардонии Ҳиссаи дар сатҳи миллии муайяншудаи Тоҷикистон муҳокима гардид.

Зимни вохӯрӣ муовини якуми раиси Кумита аҳамияти андешидани тадбирҳо оид ба мутобиқшавӣ ва коҳиш додани таъсири тағйирёбии иқлим ва ҳамкории байнисоҳавиро қайд намуд.

Масъалаҳои баланд бардоштани иқтидор ва таъсиси котиботи Ҳиссаи дар сатҳи миллии муайяншудаи Тоҷикистон низ зимни вохӯрии мазкур баррасӣ гардид.