Машғулияти навбатии бозомӯзӣ оид ба таҳияи Дастурамали мансабии хизматчии давлатӣ

17 марти соли ҷорӣ дар маҷлисгоҳи дастгоҳи марказии Кумитаи ҳифзи муҳити зисти назди Ҳукумати Ҷумҳурии Тоҷикистон аз ҷониби муовини сардори Раёсати кадрҳо, коргузорӣ ва назорати Кумита Сайфуллоев Н. дар мавзуи «Дастурамали мансабии хизматчии давлатии маъмурии Ҷумҳурии Тоҷикистон: Тартиби таҳия, тасдиқ ва истифодаи он» ба кормандон машғулияти навбатии семинари бозомӯзӣ гузаронида шуд.

Дар рафти машғулият масъалаҳои таҷдиду такмили сохтор, ки вобаста ба он зарурати таҳияи дастурамалҳои нав ба вуҷуд меояд, ба иштирокдорон фаҳмонида дода шуд.

Дар доираи мавзуи мазкур суолу ҷавоб сурат гирифта, ба ҳамаи саволҳои додашуда Сайфуллоев Н. ҷавобҳои мушаххас дод.