Шарҳи Паёми Президенти Кишвар дар муассисаи таълимии ноҳияи Рӯдакӣ

Аз тарафи мутахассисони шуъбаи ҳифзи муҳити зисти ноҳия дар муассисаи таҳсилоти умумии №8 деҳаи Баҳористон, ҷамоати деҳоти Чоргултеппаи ноҳияи Рӯдакӣ вохӯрӣ ва гузаронидани суҳбат оид ба Паёми Президенти Кишвар, вазъи экологии ноҳия ва моҳияти Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон баргузор гардид.

Корманди шуъбаи ҳифзи муҳити зисти ноҳия ба хонандагон матни Паёми навбатии Президенти Ҷумҳурии Тоҷикистон муҳтарам Эмомалӣ Раҳмонро, аз ҷумла пайомадҳои тағйирёбии иқлим, дигар масъалаҳои вобаста ба ҳифзи муҳити зистро шарҳ доданд.