Аксияи «Тозагии маҳал» дар шаҳри Истаравшан

Бо мақсади баланд бардоштани маърифати экологӣ, тозаву обод намудани маҳалли зист, таъмини беҳдошти солимии ҷомеа дар шаҳри Истаравшан бо ҷалби васеи кормандони корхонаву ташкилот, хонандагони муассисаҳои таълимӣ ва аҳолӣ аксияи «Тозагии маҳал» гузаронида шуд.

Аксия дар хиёбони Исмоили Сомонии шаҳр бо иштироки 1630 нафар гузаронида шуда, партовҳои гуногун дар ҳаҷми 8,4 метри мукааб ҷамъоварӣ гардида, ба партовгоҳи шаҳрӣ интиқол дода шуданд.

Чорабинӣ аз тарафи бахши ҳифзи муҳити зисти шаҳр ташкил карда шуда, ба иштирокчиён 220 адад борҷомаҳои полиэтиленӣ барои ҷамъоварии партовҳо тақсим карда шуданд.