Маъракаи ниҳолшинонӣ дар ноҳияи Ашт

Корҳои ободониву кабудизоркунӣ дар ноҳияи Ашти вилояти Суғд бомаром идома дошта, ҳафтаи равон дар ҷамоати Ошобаи ноҳияи мазкур зиёда аз 250 бех ниҳоли дарахтони сояафкан, ҳамешасабзу ороишӣ шинонида шуд.

Бино ба маълумоти бахши ҳифзи муҳити зист дар ноҳияи Ашт дар маъракаи ниҳолшинонӣ 300 нафар сокинон фаъолона иштирок намуданд.

Баҳри иҷрои нақшаи чорабиниҳо дар беҳдошти муҳити зист, аз ҷумла шинонидани ниҳолҳо ва кабудизоркунӣ дар дигар ҷамоату мавзеъҳои ноҳияи Ашт иқдомҳо пешбинӣ карда шудааст.