Маъракаи ниҳолшинонӣ  дар  ноҳияи Бобоҷон Ғафуров

Бо мақсади дар сатҳи баланд гузаронидани корҳои ниҳолшинонӣ, кабудизоркунӣ ва солимгардонии муҳити зист, дар асоси нақшаи кории мақомоти ҳифзи муҳити зисти маҳал, иҷрои нақшаи чорабиниҳои тасдиқнамудаи Мақомоти иҷроияи ҳокимияти давлатии ноҳияи Бобоҷон Ғафуров дар ҳудуди ҷамоати деҳоти ба номи Д. Холматови ноҳияи мазкур маъракаи кабудизоркунӣ рӯи даст гирифта шуд.

Чорабинӣ бо иштироки аҳолии ҷамоати деҳот ҷараён гирифта, дар шоҳроҳи Хуҷанд - Ашт 250 бех ниҳоли дарахтони ороишиву ҳамешасабз шинонида шуд. Рафти маъракаи ниҳолшинонӣ ба тариқи телевизиони вилояти Суғд наворбардорӣ гардид.