Ташвиқи Паём дар Маркази ҷавонони шаҳри Исфара

Ҳафтаи сипаришуда дар Маркази ҷавонони шаҳри Исфара бо ҷавонон ва хонандагони муассисаҳои таълимӣ оид ба омӯзиши нуктаҳои асосии Паёми Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохиливу хориҷии Ҷумҳурии Тоҷикистон» вохӯрӣ баргузор гардид.

Дар рафти вохӯрӣ корманди бахши ҳифзи муҳити зист дар шаҳри Исфара доир ба масъалаҳои асосии Паёми имсола, аз ҷумла пайомадҳои тағйирёбии иқлим ва дигар масъалаҳои вобаста ба ҳифзи муҳити зист, инчунин баланд бардоштани сатҳи маърифати экологии ҷавонон баромад намуд.