Аксияи “Тозагии соҳил” дар шаҳри Бохтар

Дар идомаи тадбирҳои ободониву созандагӣ ҷиҳати беҳдошти муҳити зист ва дар доираи амалигардонии ҳадафҳои “Даҳсолаи байналмилалии амал “Об барои рушди устувор” солҳои 2018-2028” тибқи нақша-чорабиниҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва Сарраёсати ҳифзи муҳити зист дар вилояти Хатлон дар шаҳри Бохтар аксияи “Тозагии соҳил” гузаронида шуд.

Дар ин тадбири экологӣ кормандони касбу кори гуногун ҷалб гардида, соҳили ҷӯи “Хонум” ва “Ҷуйбор”-ро, ки аз маркази шаҳр мегузаранд аз партов тоза намуданд.

Дар соли сипаригардида, тибқи нақшаи чорабиниҳои Бахши ҳифзи муҳити зист дар шаҳри Бохтар дар маркази вилояти Хатлон 36 маротиба аксияҳои “Тозагии маҳал” ва “Тозагии сохил” бо иштироки доираи васеи сокинон гузаронида шудааст.